Grafito

Grafitoa
Ezaugarri orokorrak
Kategoria	Jatorrizko minerala
Formula	Karbonoa, C
Dana sailkapena	1.3.6.2
Nickel-Strunz sailkapena	1.CB.05a
Sistema kristalino	hexagonala (6/m 2/m 2/m)
Talde espazial	space group P6₃/mmc (en)
Masa molarra	12 Da
Eponimoa	idatzi
Identifikazioa
Kolorea	beltzetik altzairu kolorera
Esfoliazioa	perfektua norabide batean
Gogortasuna Mohs eskalan	1-2
Distira	metalikoa, lurraren antzekoa
Errefrakzio indizea	opakua
Pleokroismoa	ez
Marra	beltza
Dentsitate erlatiboa	2,16

Grafitoa karbono puruaren forma kristaldua da. Karbonoaren era alotropiko bat da. Hexagonala da eta kolore beltzaxka eta distira metalikoa du. Eroale ona da, tenperatura handia jasateko gaitasuna du, eta azidoek ez dute desegiten.

Izadian aurki daiteke (sedimentu harrietan batez ere) baina laborategian ere prestatzen da labe elektriko batean antrazita berotuta.

Erabilera asko ditu industrian, eroale eta labaingarritarako, adibidez (azken honetarako olioekin nahastuz). Margo beltzak, arkatzak eta elektrodoak egiteko, eta beste hainbat gauzatarako ere erabiltzen da.