Hidatidosi

Hidatidosi
Deskribapena
Mota	ekinokokosia, pneumopatia, bone disease (en) , kardiopatia, gibel-gaixotasuna entzefalopatia
Espezialitatea	infektologia
Sintoma(k)	Shock zirkulatorioa, abdominal mass (en) , Urtikaria, anaphylactic shock (en) hemoptisia
Identifikatzaileak
GNS-10-MK	B67.4
GNS-9-MK	122.4
Disease Ontology ID	DOID:1495

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hidatidosia edo Ekinokokosia Echinococcus granulosus izeneko zestodoak gizakiarengan eta hainbat animaliarengan sortzen duen gaixotasuna da. Zestodo hori har txikia da, zentimetro erdiko luzera besterik ez baitu. Txakurraren bizkarroia da, eta txakurraren heste meharrean kokatzen da abere hori infektatzerakoan. Hidatidosia zoonosi bat da, hots, animalietatik pertsonetara transmititzen den gaitza.

Zizare bizkarroia duen txakurrak gorozkiekin batera Echinococcus-en arrautzak kanporatzen ditu. Gizakia bi bideetatik kutsatu ohi da: txakurraren gorotzekin kutsatuta dauden barazki edo letxuga gordinak jaterakoan (janari-intoxikazioaren bidea) edota infektatutako txakurrekin harreman estua mantenduz gutxieneko arau higienikoak hartu gabe (txakurrak laztandu ondoren, esaterako, eskua ahora eramanez garbitu barik).

Txakurrak eta beste ugaztun haragijaleak (otsoa, azeria...) bizkarroiaren behin-betiko ostalariak dira, eta animalia belarjale batzuk (ardiak, behiak, ahuntzak...) eta gizakia behin-behineko ostalariak. Bizkarroiaren behin-betiko animalia ostalarien gorotzek funtsezko zeregina burutzen dute behin-behineko animalia ostalariak infektatzerakoan. Era berean, txakurrak edo otsoak ere infektatzen dira harraren behin-behineko ostalarien haragia jaterakoan.

Hidatidosia aitortu beharreko gaixotasuna da. 2017an kasu bat jakinarazi zen EAEn ^[1]

1. ↑ Gaixotasun kutsakorren zainketa euskadi.eus, Osasun-saila