Irving Wallace

Irving Wallace
Bizitza
Jaiotza	Chicago, 1916ko martxoaren 19a
Herrialdea	Ameriketako Estatu Batuak
Heriotza	Los Angeles, 1990eko ekainaren 29a (74 urte)
Hobiratze lekua	Hillside Memorial Park (en)
Heriotza modua	berezko heriotza: pankreako minbizia
Familia
Seme-alabak	ikusi David Wallechinsky (en)
Hezkuntza
Hizkuntzak	ingelesa
Jarduerak
Jarduerak	idazlea, gidoilaria, eleberrigilea, kazetaria eta zientzia-fikzio idazlea

Irving Wallace (Chicago, 1916 martxoaren 19a - Los Angeles, 1990eko ekainaren 29a) estatubatuar idazle eta gidoigilea izan zen. Egunkarietan hasi zen kontakizun laburrak eta erreportajeak idazten. 1972an Literaturako Nobel saria jasotzeko hautagaietako bat izan zen, The Prize (Saria) eleberriarengatik. Wallaceren literatura-lana kontakizunez eta fikziozko osagaiez osatutako erreportajeek osatzen dute, eta denetan, inguru soziologikoaren azterketa xehea eginez, giza psikologia aztertzeko joera ageri du. Guztira hogeita hamahiru liburu argitaratu zituen. Haietako asko beste hizkuntza askotara itzuli dira, eta batzuk zinemara ere eraman dituzte: The West Pint History (1950), Split Second (1953), Meet Me at the Fair (1953) eta The Big Circus (1959). Bere libururik arrakastatsuena The Chapman Report (1960, Chapman txostena) izan zen, giza sexualitateari buruzko eleberri-galdekizuna. Beste lan nagusi batzuk: The Man (1964, Gizona), The Seven Minutes (1969, Zazpi minutuak), The Nympho and Other Maniacs (1971, Ninfomania eta beste mania batzuk), The Word (1972, Hitza), The Miracle (1984, Miraria) eta The Guest of Honor (1989, Ohorezko gonbidatua).