Itziar Aizpuru

Itziar Aizpuru
(2020) Irudi gehiago
Bizitza
Jaiotzako izen-deiturak	Itziar Aizpuru Sustaeta
Jaiotza	Getaria, 1939ko abenduaren 19a (85 urte)
Herrialdea	Gipuzkoa, Euskal Herria
Bizilekua	Zarautz
Familia
Seme-alabak	ikusi Jon Elizegi (en)
Hezkuntza
Hizkuntzak	euskara gaztelania
Jarduerak
Jarduerak	aktorea
Lan nabarmenak	ikusi 80 egunean Loreak
Jasotako sariak	ikusi Feroz Saria Aktore-zerrendako Emakumezko Aktore Onenari  (2015) : Loreak Espainiako Idazle Zinematografikoen Elkarteko Domina Emakumezko Aktore Sekundario Onenari  (2014) : Loreak

Itziar Aizpuru Sustaeta (Getaria, Gipuzkoa, 1939ko abenduaren 19a) euskal aktorea da.^[1] Gaztetan Gure Txeru antzerki-taldea sortu zuen Getarian eta 1960ko hamarkadan lau antzezlanetan parte hartu zuen. 1999an telebistan hasi zen lanean, Goenkale telesailean, 60 urte zituela. Gerora beste zenbait telesail eta film laburretan agertu da, besteak beste Martin (2003-2009), Hospital Central (2002-2012), Eskamak kentzen (2016) eta La víctima número 8 (2018). 2010ean lehen papera izan zuen zineman, 80 egunean filmean. Lan horrek ospea ekarri zion, eta Emakumezkoen Antzezpen Onenaren Saria eskuratu zuen Toulouseko Cinespaña jaialdian. 2014ko Loreak filmeko protagonistetako bat izan zen, nazioartean ezagutza eman zion lana. Film horregatik hainbat sari irabazi zituen, tartean Aktore-zerrendako Emakumezko Aktore Onenaren Feroz Saria. Aizpururen beste lan ezagun batzuk Handia (2017), Cuando dejes de quererme (2018), Mientras dure la guerra (2019) eta Baztango trilogia (2017-2020) dira.

1. ↑ Iametza. «ITZIAR AIZPURU» euskalaktoreak.eus (Noiz kontsultatua: 2020-05-19).