J. G. Ballard

J. G. Ballard
Bizitza
Jaiotza	Shanghai eta Shanghai International Settlements (en) , 1930eko azaroaren 15a
Herrialdea	Erresuma Batua
Bizilekua	Shepperton
Heriotza	Londres, 2009ko apirilaren 19a (78 urte)
Hobiratze lekua	Kensal Greengo hilerria
Heriotza modua	berezko heriotza: prostatako minbizia
Familia
Seme-alabak	ikusi Bea Ballard (en)
Hezkuntza
Heziketa	Cambridgeko Unibertsitatea King's College (en) The Leys School (en)
Hizkuntzak	ingelesa
Jarduerak
Jarduerak	eleberrigilea, idazlea eta zientzia-fikzio idazlea
Lan nabarmenak	ikusi Crash (en) Empire of the Sun (en) The Drowned World (en) The Crystal World (en) The Burning World (en)
Jasotako sariak	ikusi James Tait Black Memorial Prize  (1984) Tähtivaeltaja Award  (2004) Golden Graoully for Best Foreign Novel  (1982)
Influentziak	William Burroughs
Sinesmenak eta ideologia
Erlijioa	ateismoa

James Graham "J. G." Ballard (Shanghai, Txina, 1930eko azaroaren 15a - Londres, 2009ko apirilaren 19a) britainiar idazlea izan zen.

Haurtzaroan japoniarren kontzentrazio esparru batean gatibu egon zen bere familiarekin Pearl Harborreko erasoaren ondoren. Bizipen horrek bere idazlan gehienetan utzi du arrastoa, batez ere Steven Spielbergek zinemara eraman zuen Eguzkiaren inperioa (1984) eleberrian. Zientzia fikzioak eta fantasiazko munduak eragin handia izan dute bere literaturan, eta bertan XX. mendeko kezkak aztertzen ditu: hurbil egon daitezkeen ingurumenari lotutako hondamenak, nahiz bilakaera teknologikoak gizadian izan ditzakeen eraginak. Lehen eleberrian (Mundu urperatua, 1962), adibidez, poloetako elurren urtzeak eragindako suntsipenak irudikatzen ditu. Ballarden beste eleberri batzuk dira: Inon ez dagoen haizea (1962); Lehortea (1965); Kristalezko mundua (1966), Sorkuntza eguna (1987) bezala Afrikan kokatua; Zementuzko uhartea (1974); Ametsen konpainia mugagabea (1979); Kaixo Amerika (1981); Emakumeen ontasuna (1991); Ihesaldia paradisura (1994); Kokaina gauak (1996) nobela beltza, eta David Cronenbergek zinemarako egokitu zuenean, 1996an, eztabaida garratza sortu zuen Crash (1973). Eleberriez gainera ipuin ugari idatzi ditu, eta saiakera-bilduma bat ere argitaratu zuen 1996an: Milurtekoaren gidaliburua erabiltzailearentzat.