Back بلمرة النمو التسلسلي Arabic Řetězcová polymerizace Czech Kettenpolymerisation German Chain-growth polymerization English Polimerización en cadena Spanish Liitumispolümerisatsioon Estonian پلیمریزاسیون زنجیرهای Persian Polymérisation en chaîne French Lančana polimerizacija Croatian Polimerizzazione a catena Italian
Kate-polimerizazio esaten zaie adizio-erreakzio baten bidezko erreakziobidea duten polimerizazioei[1]. Erreakzioa lotura bikoitz batean gertatzen da. Lehen urratsean lotura bikoitza apurtu egiten da hasarazlearen, erradiazio baten edo beroaren eraginez. Segidan, zabalik dagoen lotura bikoitz horrek beste monomero baten loturari eraso egingo dio, eta horrela sortutako espezieak beste monomero bati,... Kate baten antzera 'begiak' eransten jarraituko du gero luzeagoa eginez. . Azkenik kateak hazteari utziko dio[2].
Kate-polimerizazioetan hiru erreakzio-mota jazotzen dira aldi berean:
- Hastea. Espezie aktiboa eratzen da hasarazlearen eraginez.
- Hedatzea. Mutur aktiboak monomeroa eransteari ekiten dio polimeroa osatuz
- Amaitzea. Mutur aktiboa desaktibatu egiten da, normalean hazten ari diren bi polimeroen elkarrekiko erreakzioaz, hedatzea eta katea luzatzea amaitzen delarik.
Polimero arrunt asko sintetizatzen dira kate-polimerizazioari jarraituz, esaterako, polietilenoa, polipropilenoa, poli(binil kloruro)a, poli(metil metakrilato)a, poli(binil azetato)a eta poliakrilonitriloa.
- ↑ Polimerizazio. https://zthiztegia.elhuyar.eus/terminoa/eu/polimerizazio.
- ↑ Iruin, J.J. & Elortza, J.M.. (1988). Kimika fisiko makromolekularra. Udako Euskal Unibertsitatea, 31 or. ISBN 84-86967-01-5..