Kristinaenea

Kristinaenea
Kristinaeneko urmaela eta Mandasko dukearen jauregia. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°19′N 1°59′W / 43.31°N 1.98°W / 43.31; -1.98
Historia eta erabilera
Izenaren jatorria	María Cristina Fernanda Brunetti Gayoso de los Cobos Gladys del Estal Ferreño

Kristinaenea^[1] Donostiako Egia auzoan dagoen hiri parke zabala da. 94.960 m² dituelarik, Euskal Herriko hiri parkerik handienetakoa eta landaretsuenetakoa da. Cristina Enea du izen ofiziala. Bestalde, Gladysenea ere deitzen zaio, Guardia Zibilak 1979ko ekainaren 3an Tuteran manifestazio baten aurka egindako kargan hildako Gladys del Estal egiatar ekologistaren omenez.^[2]

Cristina hain zuzen María Cristina Fernanda Brunetti Gayoso de los Cobos zen eta berez XIV. Mandas eta Villanueva Dukerriaren jabea zen; baita ere XVIII. Belalcázar Konterriaren jabea. Donostiar batekin ezkondu zen, Fermin Lasala Collado, eta hala, bere senarra Mandasko eta Villanuevako duke kontsorte bihurtu zen.

Kristinaeneko lurretan dago, gorenean, Mandasko dukearen jauregia, duke horren bizileku izana. Hain zuzen ere Mandasko dukearen asmoen gauzatzea da Kristinaenea bera, horretarakoxe eman baitzion jabetza Donostiako Udalari. 1926tik aurrera da Udalaren jabetzakoa.

1. ↑ Euskaltzaindiak 2000ko irailean argitaraturiko «Toponimia txikia arautzeko irizpideak» izeneko separatan, loturik agertzen da beti «-ene(a)»: Zabaletaenea, Lubienea, Txartikuenea... eta, beraz, irizpide hori aplikatuz, Kristinaenea behar du izan. Ikus Euskaltzaindiko Jagonet zerbitzutik Joxe Ramon Zubimendik Xabier Armendaritzi emandako erantzuna.^{[Betiko hautsitako esteka]}
2. ↑ Juan Mari Beldarrain: «Gladys del Estal, gaur»,^{[Betiko hautsitako esteka]} Berria, 2006-06-02.