Leonie Rysanek

Leonie Rysanek
Irudi gehiago
Bizitza
Jaiotza	Viena, 1926ko azaroaren 14a
Herrialdea	Austria
Lehen hizkuntza	alemana
Heriotza	Viena, 1998ko martxoaren 7a (71 urte)
Hobiratze lekua	Vienna Central Cemetery (en)
Heriotza modua	berezko heriotza: hezurretako minbizia
Familia
Haurrideak	ikusi Lotte Rysanek (en)
Hezkuntza
Hizkuntzak	alemana
Jarduerak
Jarduerak	opera abeslaria
Enplegatzailea(k)	Grand building of the Tyrolean state theatre (en) Vienako Estatu Opera Metropolitan Opera
Jasotako sariak	ikusi Ring of Honour of the City of Vienna Great Golden Medal of Honour for Services to the Republic of Austria Arte eta letren komendadorea
Genero artistikoa	opera
Ahots mota	sopranoa
Musika instrumentua	ahotsa

Leopoldine «Leonie» Rysanek (Viena, Austria, 1926ko azaroaren 14a – 1998ko martxoaren 7a) sopranoa izan zen. Txekiar jatorriko familia pobre batean jaio zen eta haurtzaro zaila izan zuen. Zortzi urte zituela Beethovenen Fidelio ezagutu zuen eta horrela sortu zitzaion musikarako zaletasuna. Gerra-garaian, arma lantegi batean lan egin zuen, eta ez zituen musika-ikasketak hasi gerra amaitu zen arte. Alfred Jerger (bere lehenengo senarra izango zena) eta Rudolf Grossmanni esker, Vienako Musika Akademian sartu zen. Debuta Innsbrucken egin zuen, 1949an, Agataren paperean (Freischütz). Ondoren Sarrebruckeko Operan (1950-1952) kantatu zuen, eta gero Stuttgarten. Garai hartan hasi zen ospea hartzen eta Munich, Londresko Covent Garden (1953), Vienako Opera (1954), New Yorkeko Metropolitan Opera (1954) eta San Franciscoko Opera antzokietan (1957) aritu zen kantari. Verdi, Puccini eta Txaikovski izan ziren gehien kantatu zituen musikagileak. Hala ere, Wagner eta Richard Strauss zituen gustukoen. Rysaneken teknika oso sendoa zen eta trebetasun handiz antzezten zituen bere paperak. Salzburgoko entzuleek ordu erdiko txaloak eskaini zizkioten 1996an.