Back مرصد لويل Arabic مرصد لويل ARZ Observatori Lowell Catalan Lowellova observatoř Czech Lowell-Observatorium German Αστεροσκοπείο Λόουελ Greek Lowell Observatory English Observatorio Lowell Esperanto Observatorio Lowell Spanish Lowelli observatoorium Estonian
| Lowell Behatokia | |
|---|---|
 AEBko Leku Historikoa | |
 | |
| Kokapena | |
| Estatu burujabe |  Ameriketako Estatu Batuak |
| Estatua |  Arizona |
| Arizonako konderri | Coconino konderria |
| Ameriketako Estatu Batuetako hiri | Flagstaff |
| Koordenatuak | 35°12′10″N 111°39′52″W / 35.20278°N 111.66444°W |
 | |
| Historia eta erabilera | |
| Irekiera | 1894 |
| Ondarea | |
| AEBko Leku Historikoa | 66000172 |
| Webgune ofiziala | |
Lowell Behatokia Arizonako Flagstaff hirian dagoen behatoki astronomiko bat da. Lowell behatokia AEBetako behatokirik antzinakoenetako bat da, eta interes historikoko eraikin bezala katalogatua dago. 24 hazbeteko jatorrizko Alvan Clark teleskopioa oraindik demostrazio hezitzaileetan erabiltzen da. Lowell behatokiak 70.000 bisitari jasotzen ditu urtero, bisita gidatuak egiten dituztenak eta gaueko zenbait mirari ikusten dituztenak Clark eta beste teleskopio batzuetatik. 1894an sortu zuen Percival Lowellek, eta denbora batez bere hirugarren iloba zen Guy Lowellek zuzendu zuen. Lowell behatokiaren egungo administraria William Lowell-Putnam da, sortzailearen iloba-biloba.
Behatokiak zenbait teleskopio erabiltzen ditu Flagstaffeko bi toki ezberdinetan. Instalakuntza nagusiek, Flagstaffetik mendebaldera dagoen Mars Hillen daudenak, 24 hatzbeteko (61 zentimetro) jatorrizko errefrakzioko Clark teleskopioa dute, teleskopio honen egungo betebeharra hezitzailea den arren, eta ez ikerketarako. Teleskopioa, 1896an 20.000 dolargatik eraikia, Bostonen muntatu zuen Alvan Clarkek eta ondoren trenean bidali zen Flagstaffera. Mars Hill campusean dagoen beste teleskopio bat Pluto Discovery teleskopioa da, 13 hazbetekoa (33 zentimetro), 1930ean Clyde Tombaughek Pluton planeta nanoa aurkitzeko erabili zuena.
Behatokiak, gaur egun, lau teleskopio erabiltzen ditu ikerketarako Anderson Mesan, Flagstaffetik 20 kilometro inguru hego-ekialdera dagoena, 72 hazbeteko (1,8 metro) Perkins teleskopioa Bostongo Unibertsitatearekin elkarlanean eta 42 hatzbeteko (1,1 metro) John S. Hall teleskopioa barne. Lowell Ameriketako Estatu Batuetako Itsas Behatokiarekin elkartua dago, eta NRLa (Interferometro Optikoaren Itsas prototipoa) ere han dago. Behatokiak teleskopio txikiagoak ere erabiltzen ditu Mars Hillen, Australian eta Txilen. Gaur egun Discovery Channel Teleskopioa eraikitzen ari da, 4,2 metrokoa, Discovery Communications Inc.ekin elkarlanean.