Melvyn Douglas

Melvyn Douglas
(1939) Irudi gehiago
Bizitza
Jaiotzako izen-deiturak	Melvyn Edouard Hesselberg
Jaiotza	Macon, 1901eko apirilaren 5a
Herrialdea	Ameriketako Estatu Batuak
Lehen hizkuntza	ingelesa
Heriotza	New York, 1981eko abuztuaren 4a (80 urte)
Heriotza modua	berezko heriotza: pneumonia
Familia
Aita	Edouard Gregory Hesselberg
Ama	Lena Priscilla Hesselberg
Ezkontidea(k)	Helen Gahagan Douglas  (1931 -  1980)
Seme-alabak	ikusi Gregory Hesselberg (en)
Hezkuntza
Heziketa	Upper Canada College (en)
Hizkuntzak	ingelesa
Jarduerak
Jarduerak	telebista-aktorea, zinema aktorea, antzerki aktorea eta aktorea
Jasotako sariak	ikusi Taldeko gizonezko aktore onenaren Oscar Saria  (1963) : Hud (en) Taldeko gizonezko aktore onenaren Oscar Saria  (1979) : Being There (en) Tony Award for Best Actor in a Play  (1960) Primetime Emmy Award for Outstanding Lead Actor in a Miniseries or a Movie  (1968) : CBS Playhouse (en) Izarra Hollywoodeko Ospearen pasealekuan
Zerbitzu militarra
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata

Melvyn Edouard Hesselberg (1901eko apirilaren 5a; 1981eko abuztuaren 4a), Ameriketako Estatu Batuetako aktorea izan zen, Melvyn Douglas izenarekin ezaguna. Aita Rigan jaiotako musika konpositore letoniarra izan zen, eta urte askoan irakasle ibilitakoa. Melvynek, baina, ez zuen ikastetetan aurrera egin. Amamaren abizena hartuta (Douglas) aktore lanei ekin zien, aurrena antzerkian, geroxeago zineman. Itxura oneko aktorea, galaiarena osatu zuen behin baino gehiagotan: film askotan Joan Crawforden parean ikusi ahal dugu -A Woman's Face (1941) filmean esaterako-, eta hirutan izan zen Greta Garboren antzezlagun -As You Desire Me (1932), Ninotchka (1939) eta Two-Faced Woman (1941)-. Bigarren Mundu Gerra amaituta eta handik itzulita, dagoeneko helduaroan sartuta, adinari egokitutako pertsonaiak gorpuztu zituen, eta tarteka telebistarako sailetan ere jardun zuen. Hirurogei urte beteak Oscar saria eskuratu zuen Hud filmean egindako lanagatik (1963), ostera ere 1979an irabaziko zuena Hal Ashbyren aginduetara Being There ekoizpenean. Douglas Helen Gahagan aktorearekin ezkondu zen, politikan aritu zen emakumearekin. Ezagunak dira andre honek Richard Nixonekin izan zituen tirabirak, bata bestearen aurkari sutsu izan baitziren Kalifornian senaturako jarleku baten lehian; Nixonek komunistatzat jo zuen, izan ere Gahagan irmo aritu baitzen amerikarren aurkako ekintzen komiteari aurre egiten.

Melvyn Douglas minbiziak jota hil zen 1981an New Yorken.