Mickey Mouse

Mickey Mouse
Mickey Mouse universe (en)
Argitalpena
Sortzailea	Walt Disney eta Ub Iwerks
Ageri den obrak	ikusi The Sorcerer's Apprentice (en) , Mickey and the Beanstalk (en) , Steamboat Willie, Brave Little Tailor (en) , Pluto's Judgement Day (en) , The Pointer (en) , The Prince and the Pauper (en) , Runaway Brain (en) , Mickey's Once Upon a Christmas (en) , Adventures of Mickey Mouse (en) , Mickey, Donald, Goofy: The Three Musketeers (en) , The Catchy Tune Effect (en) , Kingdom Hearts, The Gallopin' Gaucho (en) , Plane Crazy (en) , Disney Dreamlight Valley eta Mickey Mouse Clubhouse (en)
Interpretatzailea	ikusi Chris Diamantopoulos
Inspiratua	Oswald the Lucky Rabbit (en)
Bikoizketa-aktorea	Walt Disney, Carl Stalling, Wayne Allwine, Bret Iwan eta Chris Diamantopoulos
Datu biografikoak
Sexua	arra
Familia
Anai-arrebak	ikusi Oswald the Lucky Rabbit (en) Felicity Fieldmouse (en)
Senideak	ikusi Morty Fieldmouse (en) (sororal nephew (en) ) Ferdie Fieldmouse (en) (sororal nephew (en) )
Familia	Mickey Mouse family (en)
Bestelakoak
Etsaiak	Pete (en) , Phantom Blot (en) , Mortimer Mouse (en) , Sylvester Shyster (en) , Trudy Van Tubb (en) , Eli Squinch (en) , Professor Nefarious (en) , Beagle Boys (en) , Willie the Giant (en) , The Mad Doctor (en) , Kat Nipp (en) eta Disneyren doilorrak
mickey.disney.com…

Mickey Mouse (ˈmɪki maʊs^ⓘ) edo Mickey sagua marrazki bizidunetako pertsonaia estatubatuarra da, 1928an Walt Disneyk eta Ub Iwerksek sortua. Mickey sagu antropomorfoa da, eta galtza motz gorriak, zapata handiak eta eskularru zuriak eraman ohi ditu. Askotan, Minnie Mouse neska-lagunarekin, Pluto maskotarekin, Donald ahatearekin, Goofyrekin eta Pete nemesiarekin batera irudikatzen da, besteak beste.

Disneyren aurreko Oswald untxi zorteduna pertsonaia ordezkatzeko sortu zuten Mickey. Pertsonaiak jatorriz «Mortimer Mouse» izena izango zuen, Disneyren emazteak, Lillianek, «Mickey» iradoki zuen arte. Mickey 1928ko bi film laburretan agertu zen lehen aldiz, Plane Crazy eta The Gallopin' Gaucho (ez zirenak banatzera heldu), Steamboat Willie (1928) filmean debut publikoa egin aurretik. Pertsonaia 130 film baino gehiagotan agertu da, gehienak film laburretan, eta Fantasia (1940) bezalako film luzeetan. 1930az geroztik, Mickey hainbat komikitan agertu da (Mickey Mouse komiki tira, adibidez, 45 urtez argitaratu zen), baita istoriotxoen liburuetan ere (Mickey Mouse, adibidez). Telebistako telesailetan ere agertu da pertsonaia, The Mickey Mouse Club (1955-1996) telesailean, esaterako.

Charlie Chaplin eta Douglas Fairbanks bezalako zinema mutuko pertsonaietan inspiratuta, Mickey, tradizioz, babesgabe jator gisa karakterizatzen da, aurrera egitea lortzen duena bera baino erronka handiagoen aurrean duen adore eta talentuari esker. Pertsonaiaren irudikapena, sagu txiki bat bezala, pertsonifikatu egiten da bere altuera ñimiñoaren eta bere falsetto ahotsaren bitartez, Walt Disneyk berak sortutako ahotsa. Hasiera batean pikaro maitagarri eta lotsagabe gisa karakterizatzen bazen ere, denborarekin Mickey protagonista konbentzional eta maitagarriago gisa berrizendatu zuten, normalean heroi kementsu baina oldarkor gisa ikusia.

Bideo-jokoetan eta merchandisingean ere agertzen da Mickey, eta Disney parkeetan ezagutu daitekeen pertsonaia da. Munduko fikziozko pertsonaiarik ezagunenetako eta unibertsalki txalotuenetako bat da. Mickeyren marrazki bizidunetako hamar animaziozko film labur onenaren Oscar sarirako izendatu zituzten, eta horietako batek, Lend a Pawek, saria irabazi zuen 1941ean. 1978an, Hollywoodeko Ospearen Pasealekuan izar bat izan zuen marrazki bizidunetako lehen pertsonaia bihurtu zen Mickey.