Multiplo (matematika)

Matematikan, multiploa edo anizkoitza zenbaki bat eta zenbaki oso bat biderkatuz lortzen den zenbakia da. Beste hitzez, a zenbaki bat izanik, b zenbakia a zenbakiaren multiploa da, baldin eta b = n·a bada, n zenbaki osoa izanik, zeina biderkatzailea edo koefizientea deitzen den. a zero ez bada, lehen esandakoa honen baliokidea da: b/a hondarrik gabeko zenbaki osoa da. a eta b biak zenbaki osoak badira, eta b zenbakia a zenbakiaren multiploa bada, orduan a zenbakia b zenbakiaren zatitzailea dela esaten da.