Osorkon edo "Osorkon printzea" Amonen Apaiz Gorena izan zen Tebasen K.a. 840tik K.a. 785 arte zenbait alditan, Antzinako Egiptoko XXII. dinastiaren garaian.
Ziuraski, Takelot II.a eta Karoma III Meritmuten semeetako bat da (Kitchenen arabera).
Amonen Apaiz Goren izatera Nimlot II.ak bultzatua, tebastarren zati batek inpugnatzen dute, Taniseko errege bezala nahi dutenak bere anaia Sheshonq III.aren ordez. Etsaitasunek eztanda egiten dute eta matxinada indarrez menderatua da. Hamar edo hamabost bat urte irauten duen gerra zibil bat hasten da. Lehen su-eten baten ondoren bi urte igaro baino lehen, tebastarrek gerra berrabiarazten dute, eta Osorkonek Goi Egiptora ihes egiten du. Tanis berreskuratzeko unean, Takelot hil egiten da, eta, bere kargua, erregearen anaia gaztea zen Sheshonq III.ak bete zuen.
Amonen Apaiz Goren bezala, Nimlot II.aren ondorengoa izan zen, eta, Osorkon beraren ondorengoa, Horsiese II.a izan zen.