PJ Harvey

PJ Harvey
Irudi gehiago
Bizitza
Jaiotza	Corscombe, 1969ko urriaren 9a (55 urte)
Herrialdea	Erresuma Batua
Hezkuntza
Heziketa	Central Saint Martins (en) Beaminster School (en)
Hizkuntzak	ingelesa
Jarduerak
Jarduerak	egile abeslaria, musikagilea, musikaria, abeslaria, gitarra-jotzailea, saxofoi-jotzailea eta estudioko musikaria
Jasotako sariak	ikusi Britainiar Inperioko Ordenaren kidea Mercury Prize
Izengoitia(k)	PJ Harvey
Genero artistikoa	rock rock alternatiboa folk rock
Ahots mota	sopranoa
Musika instrumentua	autoharp (en) gitarra ahotsa saxofoia
Diskoetxea	Island Records Too Pure (en)
pjharvey.net

Polly Jean "PJ" Harvey (Bridport, Dorset, 1969ko urriaren 9a) musikari, konpositore eta abeslari ingelesa da. Bere familiak Dorset konderriko Corscombe herrixkan zuen baserrian hazi zen. Gurasoei esker, John Lee Hooker, Howlin' Wolf, Robert Johnson, Jimi Hendrix eta Captain Beefheart, besteak beste, entzuten zituen txikitatik.

1980ko hamarkadaren musika leun eta produkzio handikoa ondoren, Seattleko grunge mugimenduak haize berria ekarri zion Ipar Amerikari. Ingalaterran, PJ Harveyk antzeko gauza egin zuen eta ez zen kasualitatez izan Nirvana taldeko Kurt Cobainek esatea “Dry”, Harveyren lehenengo diskoa, gehien gustatzen zitzaizkion hamar diskoen artean zegoela.

Orain arte, Harveyk zortzi album grabatu ditu, horietako bi John Parish lagunarekin. Horiez gain, elkarlan askotan parte hartu du oso musikari ezberdinekin: Nick Cave, Pascal Comelade, Tricky, Thom Yorke, Björk ... Arrakasta handia izan du kritikoekin, batzuetan arlo komertzialetan ere bai, eta, batez ere, bere milaka zale amorratuekin munduan zehar.