Prisma (geometria)

Prisma
Taldea	Poliedro uniformeak
Aurpegi kopurua	2 n-gono + n paralelogramo
Ertz kopurua	3n
Erpin kopurua	2n
Aurpegiak	n-gonoak eta paralelogramoak
Erpin-konfigurazioa	4.4.n
Simetria-taldea	Dnh
schläfli sinboloa	{n}×{} edo t{2, n}
Propietateak	Erdierregularra, ganbila
Poliedro duala	Bipiramide n-gonala
Garapena (gainazala)

Geometrian, prisma plano paraleloetan dauden bi poligono berdinez eta euren aldeak lotzen dituzten paralelogramoz osaturiko poliedro bat da. Poligonoak prismaren oinarriak dira eta oinarrien arteko distantzia prismaren altuera da.

Bi motako prismak bereizten dira:

• prisma zuzenak, non oinarriak dituzten aldeak laukizuzenak diren; prisma zuzenetan, oinarrien eta oinarriak lotzen dituzten aldeen arteko angelua zuzena da.
• prisma zeiharrak, non oinarrien eta oinarrien lotzen dituzten aldeen arteko angelua zuzena ez den; prisma zeiharretan altuera ez dator prismako ertzen luzerarekin. Gainera, prisma guztiak zuzenak edo zeiharrak dira.

Beste alde batetik prisma hauek bereizten dira:

• prisma erregularrak, oinarritzat poligono erregularrak (alde berdinak dituzten poligonoak, alegia) dituzten prismak;
• paralelepipedoak, oinarritzat laukizuzenak dituzten prismak; gainera, paralelepipedoetan aurkakoak diren edozein alde pare har daiteke oinarritzat;
• ortoedroak, alde guztiak (oinarriak zein oinarriak lotzen dituztenak) laukizuzenak diren paralelepipedoak dira.