Robert Bolt

Robert Bolt
Bizitza
Jaiotza	Sale (Manchester Handia), 1924ko abuztuaren 15a
Herrialdea	Erresuma Batua
Heriotza	Petersfield, 1995eko otsailaren 20a (70 urte)
Heriotza modua	berezko heriotza: istripu zerebrobaskularra
Familia
Ezkontidea(k)	Celia Roberts (en)  (1949 - Sarah Miles  (1967 - Ann Jones (en)  (1980 - Sarah Miles  (1988 -  1995)
Hezkuntza
Heziketa	The Manchester Grammar School (en)
Hizkuntzak	ingelesa
Jarduerak
Jarduerak	aktorea, gidoilaria, antzerkigilea, idazlea, film-zuzendaria eta zinema gidoilaria
Jasotako sariak	ikusi Britainiar Inperioko Ordenaren komendadorea Egokitutako gidoi onenaren Oscar Saria  (1964) : Doctor Zhivago Egokitutako gidoi onenaren Oscar Saria  (1967ko apirilaren 10a) : A Man for All Seasons (1966ko filma)

Robert Oxton Bolt (Sale, 1924lo abuztuaren 15a – Chichester, 1995eko otsailaren 20a) ingeles antzerkigile eta gidoigilea izan zen.

Erlijio metodistako familia batean jaio zen eta aitak altzari-denda bat zuen. Hamasei urterekin ikasketak utzi eta aseguru-bulego batean lan egin zuen. Ondoren, Manchesterreko Unibertsitatean sartzea lortu zuen. Urtebete geroago RAFen sartu zen gerra garaian. Gerraren ondoren, Mendebaldeko Afrikan egon zen 1947ra arte, eta Manchesterrera itzuli zen historian lizentziatzera. Ingeleseko eta historiako irakaslea izan zen Millfield eskolan, eta 33 urte zituenetik, idazteari bakarrik ekin ahal izan zion.

Antzezlanak eta gidoiak idazten zituen. Bere lanen protagonistak gizartearekin tentsioan zeuden pertsonak izaten ziren. Lawrence of Arabia, Doctor Zhivago eta A Man for All Seasons filmen gidoien egilea izan zen, eta Oscar saria irabazi zuen azken bi filmengatik.

Erresuma Batuko Alderdi Komunistako kide izan zen eta Txekoslovakiaren inbasio sobietarraren ondoren utzi zuen. Bi hilabete egon nintzen kartzelan nuklearren ugaritzearen aurka protesta egiteagatik.