Robert Gerhard

Robert Gerhard
Irudi gehiago
Bizitza
Jaiotza	Valls, 1896ko irailaren 25a
Herrialdea	Espainia  Erresuma Batua
Heriotza	Cambridge, 1970eko urtarrilaren 5a (73 urte)
Hobiratze lekua	Ascension Parish Burial Ground (en)
Familia
Haurrideak	ikusi Carles Gerhard Ottenwälder
Hezkuntza
Hizkuntzak	katalana gaztelania ingelesa
Irakaslea(k)	Arnold Schönberg Felip Pedrell
Ikaslea(k)	ikusi Joaquim Homs (en)
Jarduerak
Jarduerak	musikagilea
Lan nabarmenak	ikusi String Quartet No. 2 (en)
Kidetza	Vienako Bigarren Eskola
Genero artistikoa	opera sinfonia sardana

Robert Gerhard i Ottenwaelder (Valls, Alt Camp, Katalunia, 1896ko irailaren 25a^[1] - Cambridge, Ingalaterra, 1970eko urtarrilaren 5a) musika klasikoko musikagile katalana izan zen.^[2][3] Kataluniako musika ondarearen pertsonaia aipagarrienetako bat da, bai Kataluniako eta baita Europako musikaren funtsezko pertsonatzat hartua izateraino.^[4]

Aita Suitzarra eta ama alsaziarra izanik, familiako negozio zen ardo-esportazioari uko egin zion laster musikan jardun ahal izateko.^[5] Munichen eta Bartzelonan zenbait urte ikasten igaro ondoren, 1923an Vienara joan zen, Arnold Schönbergekin konposizio ikasketak burutzeko. Errepublikaren etorrerarekin, Higini Anglès musikologoarekin aritu zen pedagogia eta musika klasikoaren popularizazio lanetan. Aldi berean, Bartzelonako Taldearen buru zen, garai hartako konpositore argi eta abangoardisten artean osatua zegoena. Gerra Zibilaren amaieran, Gerhard, antifrankista sutsua izanik, Ingalaterrara erbesteratu zen, Cambridgen finkatuz. 1960an ingeles herritartasuna hartu zuen, eta Katalunia opor egonaldi laburretan soilik bisitatu zuen.^[6]

Robert Gerhardek Schönbergen teknika serial dodekafonikoaren erabilera oso pertsonala burutzen du bere musikan, Mediterraneoko musiken txinpartekin argituz. Berrogeita hamarreko hamarkadan, bere lanek forma tradizionaletara atzerabegirakoa egiten dute, aldi berean ganbera musikan esplorazio esperimentala egiten duen bitartean, batez ere timbreen eta testura instrumentalen arloan, perkusioan bereziki. Orkestratzen zuen trebezia instrumentu mota guztietara hedatu zen, baita ezohikoak diren haietara ere. Honek aurrerago bere lan elektroakustikoetan erabiliko zituen aldez aurretik grabatutako soinuak biltzeko zuen zaletasunarekin bat egin zuen.^[7]

Robert Gerharden bilduma Cambridgeko Unibertsitateko Liburutegian, Kataluniako Liburutegian eta Institut d’Estudis Vallencs-en dago gordea.^[8]

1. ↑ 25 de setembre de 1896.
2. ↑ Joaquim Homs. Robert Gerhard y su obra. (Ethos-Musica; 16). Universidad de Oviedo, 1987, p. 15.
3. ↑ 2009.
4. ↑ .
5. ↑ 2020-01-26.
6. ↑ 27 febrer 2002.
7. ↑ 11 gener 1970.
8. ↑ Fons Robert Gerhard a l'Institut d'Estudis Vallencs