Swartkrans

Swartkrans
Mota	arkeologia-aztarnategi eta aztarnategi paleontologiko
Geografia
Koordenatuak	25°55′45″S 27°47′20″E / 25.92917°S 27.78889°E / -25.92917; 27.78889
Honen parte da	Sterkfontein, Swartkrans, Kromdraai, and Environs (en)
Estatu burujabe	Hegoafrika
Hegoafrikako probintzia	Gauteng

Swartkrans edo Swartkranz historiaurreko kobazulo eta aztarnategi paleoantropologikoa da, Hegoafrikako Gauteng probintzian, Johannesburgeko ipar-mendebaldean, Krugersdorp hiritik gertu dagoena.

Sterkfonteindik gertu kokatua, hominidoen aztarna arkeologiko ugari eta bereziki fosilak eman ditu. Witwatersrandeko Unibertsitateak erosi zuen 1968an. Aztarnategiko sedimentu-biltegi zaharrenen adina 1,8 eta 2 milioi urte artekoa da.

Swartkransen aurkitutako fosilek Telanthropus capensis (gaur egun Homo ergaster delakoarekin parekatua), Paranthropus eta Homo habilis espezieei egotzitako hondakinak biltzen dituzte.

Indusketak Robert Broomek egin zituen hasieran, eta Charles Kimberlin Brainek ondoren. Azken honen lana The hunters or the hunted liburuaren inspirazio iturria izan zen, non lekua hartu zuten hominidoak ez zirela odol egarriz zeuden tximino hiltzaileak, baizik eta felino handien harrapakeriaren biktima izan zirela erakusten zuen.

Sterkfontein, Kromdraai eta Wonder Cave inguruko leku arkeologikoekin, Swartkrans UNESCOren Gizateriaren Ondarearen zerrendan sartu zuten 2000. urtean, «Gizakiaren Seaska» izenarekin.