Thomas Bayes

Thomas Bayes
Irudi gehiago
Tunbridge Wells (en) ministro 1733 - 1752
Bizitza
Jaiotza	Londres, 1702
Herrialdea	Britainia Handiko Erresuma
Heriotza	Royal Tumbridge Wells, 1761eko apirilaren 17a (58/59 urte)
Hobiratze lekua	Bunhill Fields Burial Ground (en)
Familia
Aita	Joshua Bayes
Hezkuntza
Heziketa	Edinburgheko Unibertsitatea (1719 -
Hizkuntzak	ingelesa
Jarduerak
Jarduerak	matematikaria, estatistikaria, klerikoa eta filosofoa
Lan nabarmenak	ikusi An Essay towards solving a Problem in the Doctrine of Chances (en) Bayesen teorema
Jasotako sariak	ikusi Royal Societyko kidea  (1742)
Kidetza	Royal Society
Sinesmenak eta ideologia
Erlijioa	Presbiterianismoa

Thomas Bayes (Londres, 1702 - Tunbridge Wells, Kent, Ingalaterra, 1761eko apirilaren 7a) britainiar matematikaria izan zen. Ikasketak etxean egin zituen, irakasle pribatuekin; haietako bat Abraham de Moivre matematikaria izan zela esaten da. Bere aita artzain ez-konformista (anglikanoa ez zen eliza protestante batekoa) zen, eta 1720ko hamarkadaren hasieran bera ere arima artzain-lanetan hasi zen bere herriko kapera presbiterianoan. 1752an utzi zuen kargua. Bere probabilitatearen teoria Londresko Errege Elkarteko Philosophical Transactions aldizkarian argitaratu zuen 1764an, Essay towards solving a problem in the doctrine of chances (Zoriaren dotrinako problema baten ebazpenari buruz) artikuluan. 1742an Errege Elkarteko kide hautatu zuten, nahiz eta ordu arte matematikari buruzko lanik ez zuen argitaratu; izan ere, bizitzan zehar ez zuen berak izenpetutako lanik argitaratu. 1781ean Laplacek Bayesen ondorioak onartu zituen; geroago, Condorcetek aipatu zituen, baina ahaztuta geratu ziren harik eta Boolek Laws of Thought (Pentsamenduaren legeak) liburuan azaldu zituen arte. Ordutik aurrera, Bayesen teknikek eztabaida ugari sortu zuten matematikaren munduan.