Back Txik Txak Catalan Txik Txak English Txik Txak Esperanto Txik Txak Spanish Txik Txak French Txik Txak Occitan
| Txik Txak | |||
|---|---|---|---|
.png) | |||
.jpg) | |||
| Datu orokorrak | |||
| Garraio mota | Tren, autobus, txalupa | ||
| Eskualdeak | Lapurdi, Baxenabarre, Zuberoa Euskal Herria+ Seinautze (Okzitania) | ||
| Leloa | «Zure garraio sarea» | ||
| Line kopurua | 65 | ||
| Jabea | Euskal Hirigune Elkargoa | ||
| Webgunea | www.txiktxak.eus | ||
| Ustiapena | |||
| Hasiera | 2019ko irailaren 2a (5 urte) | ||
| Eragileak | lista ikusi | ||
| Ibilgailuak | 211 | ||
| Datu teknikoak | |||
| Luzera | 1073,1 km | ||
| Abiadura maximoa | 110 km/h | ||
| |||
Txik Txak Euskal Hirigune Elkargoaren marka komertzial bat da, 2019ko martxoan sortua eta 2019ko irailaren 2an ezarria. Ipar Euskal Herriko garraio-sare propioa da, antzinako garraio-sareak diseinu beraren inguruan ordezkatu eta bateratzen dituena. Marka soil gisa hasi bazen ere, 2022ko uztailetik aurrera benetako garraio-sare integratu bihurtu zen, MUGI edo BARIK sistemekin konpara zitekeena, nahiz eta integrazio-maila handiagoa izan.
Sareak hainbat garraiobide ditu, besteak beste, igarotze azkarreko autobusa, trena, hiriarteko eta hiri autobusa eta txalupa. Guztiek batera 1000 kilometro baino gehiago dituzte, Ipar Euskal Herriko 159 udalerrietatik 143etan dauden 65 lineatan banatuta, bai eta Hego Euskal Herriko Irun eta Urdazubi eta Okzitaniako 4 udalerriak (Lixoze, Ondres, Sent Martin de Senhans eta Tarnose) ere.
Zerbitzua Lapurdin zentratzen da bereziki, bai Baionako metropoli-eremuan, bai Donibane Lohizuneko eta Hendaiako hiri-eremuetan. Nafarroa Behereko lurraldean, sareak ibilbide nagusiak segurtatzea ahalbidetzen du, eta Zuberoak, berriz, ia ez du linea egituratzailerik. Desoreka hori konpentsatzeko, 2020ko hamarkadaren hasieran hainbat hiri-linea sartu ziren Maule-Lextarre, Donapaleu, Kanbo edo Uztaritze hirietan, bai eta Zuberoa osoan eta Amiküze, Oztibarre eta Arberoa nafar eskualdeetan ere.