Back Dance Dance Revolution Catalan Dance Dance Revolution Czech Dance Dance Revolution German Dance Dance Revolution English Dance Dance Revolution (serie) Spanish Dance Dance Revolution Finnish Dance Dance Revolution French Dance Dance Revolution HE Dance Dance Revolution ID Dance Dance Revolution Italian
Dance Dance Revolution, DDR u "La máquina de varsal" es un vidiojuegu simulaol de varsi controlau colos pies del jugaol. Es prouciu pola impresa japonesa Konami. La su primel eición, en holma d'arcade, hue realiçau en Japón en 1998. Dendi la su criación án siu proucias una tupa variacionis, encluyendu angunas pa usu caseru. Es crasificau cumu un huegu Bemani (Bemani es una contración haponesa la parabra Beatmania, el nombri el primel huegu musical de Konami).
Ena velsión arcade, el huegu está holmau pol una cabina con una pantalla, artavozis i luzis de Neón. Frenti a la cabina i sobri el suelu s'alcuentra una pratahorma e varsi con cuatru panelis cuairaus. Ca hugaol tiini 9 panelis nuna matrís de 3x3: cuatru flechas coloreás (arriba, abahu, gocha i derecha) i 5 panelis metálicos neutralis. Angunas pratahormas posein barras assitiás verticalmenti alatrás la pratahorma que ayua a los jugaoris.
Nel criaeru e cancionis pal huegu participan várius artistas, encluyendu los que apaicin ena seri e discus Dancemania i otrus de Konami, cumu Naoki Maeda, prencipal compositol musical pa esta seri e huegus. Angunus artistas án dau letras las sus cancionis cumu es el chascu d'Aerosmith, que donó la canción "I Don't Want to Miss a Thing" pal "Dance Dance Revolution ExtraMix" que tamién está disponibri en velsión pa PlayStation.