Lelwa

Lelwa (maa e pulfule goɗɗe lewla maa lella), fedde innde mba maa nga, so heewii lelbi maa lewli maa lelli, ko kullel ladde nannditayngel e mbeewa. Ina wojja, kono kadi wutteeji mum na keewi. Wojjat waɗa ciifi tati: ɓaleewol, daneewol. Ɓaleewol tuggii e hoore hee, baŋŋeeji ɗiɗi fof. Ina yiyee e sahaa fof, e nder ladde seeno walla saŋre, haa teeŋtii e ferlordi hee. Lelwa ina ñaamee, raddo mum ko hono raddo kooba nii. Sakkeeɓe ina ñobba nguru lelwa na mbaɗira ɓorɗi cañirteeɗi leece. Ngaari lelwa e nagge mum fof ina mbaɗa galaaɗi. Kala no mbeewa sifori, mbeewa ina siforoo noon. Waɗata ko holsere, laasi njadditki, yeyre tokoosere, enɗi ɗiɗi. No mbeewa jibinirta nii, ko noon lewla jibinirta. Ngaari ndii ina innee ndamndi lelwa. Dewel ngel ina innee mbeewa. Jibinirta ko lebbi jowi; muyninat. Lelwa ina ñaama huɗo e leɗɗe. Kulle ladde keewɗe sonngude lelwa, ko mbaroodi (piyoori) maa cewngu (buutoori).

Duttorɗe

Soo, Alfaa Ibrahiima Maanditorde Annde e Pine Pulpule Hiirnaange Afrik, Nubia, 1992