Jaan om mehe edenimi. Taa om tegünü mitmin keelin piiblinime Johannes lühenemisel, muuhulgan ka alambs'aksa keelen, kost lainati joba keskaol nii võro ku eesti kiilde.
Ildambalt uusaol om Jaan tõisist Johannessõ muganduisist nigu Ants, Hanss', Ivvan ja Juhan erälde nimi. Võrokõisi pruugit Vastne testament kirot Ristjä-Johannessõ, apostli Johannessõ jt nimme edimält (1686) Jahn, ildamba Jaan (umasütlejä Jani).
Vanna kesksuvõpühhä jaanipäivä köüt kerik Ristjä-Johannessõga. 1684. aastagal Rõugõ kihlkunnan oll´ Jaan sagõhusõlt edimäne talo peremehe edenimi (6,8 %).[1]
Vastussit tõisin keelin:
- Jaan, eesti kiil
- Johannes, s'aksa kiil
- Jānis, läti kiil
- Иван (Ivan), vinne kiil
- Ян (Jan), valgõvinne kiil
- Jan, poola kiil
- Janne, Jani, soomõ kiil
- Jan, Roodsi kiil
- János, ungari kiil
- John, inglüse kiil
- ↑ Saar, Evar 2016: Rõuge ja Vastseliina talupoegade eesnimed XVI ja XVII sajandil. Võro Instituudi toimõndusõq, 11−56.