De La Soul

De La Soul er ein amerikanskur hip hop bólkur, stovnaður í 1987 í Long Island, New York. Í bólkinum eru tríggjir tónleikarar; Kelvin Mercer (Plug One/Posdnuos), rappari, David Jolicoeur (Plug Two/Trugoy), rappari, Vincent Mason (Plug Three/Mase), DJ, rappari.

Bólkurin gjørdist kendur í 1989, tá teir góvu teirra fyrstu fløgu út, "3 Feet High and Rising". Paul Huston (Prince Paul), sum seinni stovnaði horrorcore bólkin Gravediggaz, framleiddi fløguna. Hon var væl umtókt,^[1] sjálvt um hon ikki innihelt vanlig elimentir í rappi, so sum vápn, vold og banniorð. Temaðið hjá fløguni var ein sjónvarps spurnarkapping. Teir tosaðu bæði um stoffir, samlegu, fátækadømi, og enntá summardáar og sveittalukt.^[2] Summi kallaðu fløguna framtíðin hjá hip hoppi^[3] og summi kallaðu teir 'hippi-rapparar' ^[4], grundað á blóminum á fløguhaldaranum. Teir vildu ikki vera kendir sum hippiar ^[5] og settu steðg á hesum við at útgeva fløguna "De La Soul is Dead" í 1991, har fløguhylstrið var ein mynd av einum brotnum urtapotti.

Eisini eru teir kendir fyri teirra luttøku í sanginum "Feel Good Inc" hjá Gorillaz, sum teir vunnu eina Grammy fyri.^[6] Eisini eru teir í bólkinum Native Tongues saman við The Jungle Brothers, A Tribe Called Quest, Black Sheep, Queen Latifah og fleiri øðrum.^[7] Saman við limum í Native Tongues gjørdu teir væl kenda sangin "Buddy", sum er á 3 Feet High and Rising.

1. ↑ http://www.allmusic.com/album/r27752
2. ↑ "Archive copy". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2010-10-10. https://web.archive.org/web/20101010042555/http://www.lyrics007.com/De%20La%20Soul%20Lyrics/A%20Little%20Bit%20Of%20Soap%20Lyrics.html. Heintað 2010-06-16. 
3. ↑ http://www.pandora.com/music/artist/de+la+soul
4. ↑ http://www.npr.org/templates/story/story.php?storyId=4828153
5. ↑ http://www.mp3lyrics.org/d/de-la-soul/aint/^{[deyð leinkja]}
6. ↑ http://www.independent.co.uk/arts-entertainment/music/news/full-list-of-grammy-award-winners-525647.html
7. ↑ http://www.allmusic.com/artist/p541437