Giro d'Italia

Giro d'Italia

Giro d'Italia 2018
Kunning um kappingina
Dato	Mai–juni
Øki	Italia og onnur evropeisk lond
Disiplin	Vegsúkklukapping
Kapping	UCI World Tour
Slag	Grand Tour
Fyriskipari	RCS Sport
Kappingarstjóri	Mauro Vegni
Søgan
Fyrsta kapping	1909 (1909)
Útgávur	99 (pr. 2016)
Fyrsti vinnarin	Luigi Ganna (ITA)
Flestir sigrar	Alfredo Binda (ITA)  Fausto Coppi (ITA)  Eddy Merckx (BEL) 5 sigrar
Seinasti	Chris Froome (GBR)

Giro d'Italia (á føroyskum Kring Italia) er ein av teimum trimum stóru teinasúkklukappingunum og verður hildin hvørt ár í mai/juni og varir í 3 vikur. Kappingin fer fram í Italia, men partar av kappigini kunnu eisini fara fram í onkrum ørðum landi í Evropa, t.d. byrjaði Giro d'Italia í Niðurlondum í 2016 og í Danmark í 2014.

Giro d'Italia varð fyrstu ferð hildið í 1909, har ið tilsamans 8 teinar á 2448 km vóru súkklaðir. Kappingin er saman við Tour de France og Vuelta a España ein av teimum trimum klassisku teinakappingunum, har Tour de France tó er tann mest týðandi.

Har tann fremsti súkklarin í Tour de France er kendur fyri at súkkla í gulari troyggju, so súkklar fremsti súkklarin í Giro d´Italia í ljósareyðari troyggju, á italskum nevnd Maglia rosa. Tann fremsti fjallasúkklarin súkklar í grønari troyggju (Maglia Verde), meðan súkklarin við flestum stigum koyrir í lilla (Maglia ciclimano). Í 2007 varð tann hvíta ungdómstroyggjan innførd aftur, eftir at hon hevði verið burturi í nøkur ár, hon nevnist Maglia Bianca.

Tríggir súkklarar hava vunnið kappingina fimm ferðir: Alfredo Binda, Fausto Coppi og Eddy Merckx. Italiumaðurin Felice Gimondi hevur staðið á sigurspallinum níggju ferðir, har hann tríggjar ferðir hevur vunnið, tvær ferðir á øðrum plássi og fýra ferðir á triðjaplássi.