Oslavie (par sloven Oslavje) e je une frazion di Gurize. E je logade ae çampe dal Lusinç doi chilometris a tramontan dal cjâf lûc, a 154 metris di altitudin dapît dal Cuei. Al dì di vuê la popolazion e je par la plui part taliane e furlane, ancje se il teritori di Oslavie al è stât lûc di insediament sclâf. La economie dal paîs si base su la agricolture, in mût particolâr su la coltivazion de vît e su la produzion di vins.