Back Polenta Afrikaans عصيدة من دقيق الذرة Arabic Polenta Azerbaijani Plent BAR Полента Bulgarian Polenta Breton Polenta Catalan Polenta Czech Polenta Danish Polenta German
|
«Cuant che la polente jè piçule, ten la tô fete in man.»
|
(
Proverb furlan)
|
La polente e jè un aliment tradizionâl une vore presint tes taulis dal Nord de Italie, ma si pues cjatâle in forme lizermentri diferente ancje in pais come la Austrie, la Slovenie, la Romanie e la Serbie.
La polente al è un impast di farine zale o blancje di blave o di altris cereâi (saròs), aghe e sâl, lassade cuei par une ore intune cjalderie di ram.
In Cjargne invezit de cjalderie di ram si doprave e si dopre ancjemò il cjalderuç di ghise. Stant che il cjalderuç di ghise al à un spessôr plui grant di chel di ram, la masse termiche e je plui impuartante e la temperadure medie dal impast di aghe e farine e je vonde costante e si riscje mancul di brusâle.
I prins a mangjâ la polente a son stâts i Romans, che fasevin une polente di spelte, pluitost dure che clamavin puls. Inte antighe Grecie, al vignive doprât invezit il vuardi.