Abbaye aux Hommes

Abbaye aus Hommes
Lokaasje
lân	Frankryk
regio	Normandje
departemint	Calvados
plak	Caen
adres	Esplanade Jean-Marie Louvel
koördinaten	49° 10' N 0° 22' E
Kleastergegevens
denominaasje	Roomsk-Katolike Tsjerke
oarde	Benediktinen
oprjochting	11e iuw
opheffing	1791
patroanhillige	Stefanus
Ynformaasje bou
boujier	11e-18e iuw
boustyl	romaanske arsjitektuer, klassisisme
monumintale status	Histoarysk monumint
Webside
Offisjele side fan de abdijtsjerke
Kaart

De Abbaye aux Hommes is in eardere benediktynske abdij yn de Frânske stêd Caen. De abdij waard troch Willem de Oermasterer stifte om't er troud wie mei syn nicht, Mathilde fan Flaanderen. Dat brocht Willem yn tsjok waar mei de paus. Hy mocht it wer goedmeitsje troch in abdij te stiftsjen. Nei syn dea waard er yn de kleastertsjerke byset. Ek syn frou stifte in abdij, mar dan foar nonnen. Tusken beide abdijen yn stiet de boarch, dêr't hja harren residinsje hiene.

Yn de 17e iuw waarden de âlde abdijgebouwen ôfbrutsen en ferfongen troch nijbou. De Frânske Revolúsje twong de muontsen harren abdij op te jaan, mar de monumintale gebouwen bleaune bestean en de abdijtsjerke waard neitiid in parochytsjerke. De tsjerke is in wichtich foarbyld fan romaanske arsjitektuer yn Normandje. Tsjintwurdich is de abdij it Hôtel de Ville fan Caen.