Anna fan Oranje-Nassau

Anna fan Nassau (Breda, 5 novimber 1563 - Frjentsjer, 13 juny 1588) wie de twadde dochter fan Willem fan Oranje út syn twadde houlik mei Anna fan Saksen.

Hja folge har âlden yn ballingskip nei Dillenburch yn 1563. Yn 1577 kaam se mei har omke Jan werom yn Nederlân dêr't har heit wertroud wie mei Charlotte de Bourbon. Anna troude op 25 novimber 1587 te Frjentsjer mei har neef Willem Loadewyk fan Nassau. It lokkige houlik wie koart en sûnder bern. Hja stoar lykwols al in heal jier letter, ûnder har earste swierwêzen. Willem Loadewyk is út respekt foar har net wertroud. Har grêftombe yn de Jakobinertsjerke yn Ljouwert waard yn 1795 fernield, yn 1948 restaurearre.