Blomkoalkwabeftigen

Blomkoalkwabeftigen
In Phyllorhiza punctata.
Taksonomy
ryk:	dieren (Animalia)
ûnderryk:	echte dieren (Metazoa)
rangleas takson:	weefseldieren (Eumetazoa)
tuskenryk:	radiaaldieren (Radiata)
stamme:	netteldieren (Cnidaria)
klasse:	skiifkwabben (Scyphozoa)
ûnderklasse:	echte skiifkwabben (Discomedusae)
skift:	blomkoalkwabeftigen (Rhizostomae)
Cuvier, 1799

De blomkoalkwabeftigen (Latynske namme: Rhizostomae of Rhizostomeae) foarmje in skift fan 'e stamme fan 'e netteldieren (Cnidaria), de klasse fan 'e skiifkwabben (Scyphozoa) en de ûnderklasse fan 'e echte skiifkwabben (Discomedusae). Dizze groep kwabben hat gjin tentakels oan 'e râne fan 'e klokfoarm sitten, mar ynstee acht sterk fertûke mûlearms dy't tarist binne mei tige lytse mûliepeninkjes dêr't iten troch nei binnen ta sûgd wurde kin. (Dit yn tsjinstelling ta oare skiifkwabben, dy't mar fjouwer fan sokke mûlearms hawwe.) Tichter nei de eigentlike mûle ta, dy't sintraal oan 'e ûnderside fan 'e klokfoarm sit, rane de acht earms gear ta ien struktuer.