Bratislava, foarhinne ek bekend ûnder de Hongaarske namme Pozsony en de Dútske namme Preßburg, is de haadstêd fan Slowakije en mei sa likernôch 426.000 ynwenners ek de grutste stêd fan it lân. De stêd leit yn it súdwesten fan Slowakije, oan beide iggen fan de Donau. De stêd leit oan de grins mei Eastenryk en Hongarije, en is dêrmei de iennichste haadstêd op de wrâld dy't oan twa oare lannen grinzet. Beide lannen hawwe in grutte ynfloed op de ûntjouwing fan de stêd hân. Wenen leit op 60 km ôfstân fan Bratislava.