Back Carrie Fisher Afrikaans Carrie Fisher AN كاري فيشر Arabic كارى فيشر ARZ Carrie Fisher AST Kerri Fişer Azerbaijani کری فیشر AZB Carrie Fisher BAR Carrie Fisher BCL Кэры Фішэр Byelorussian
| Carrie Fisher | ||
 akteur
| ||
| ||
| persoanlike bysûnderheden | ||
| echte namme | Carrie Frances Fisher | |
| nasjonaliteit |  Amerikaansk
| |
| berne | 21 oktober 1956 | |
| berteplak | Beverly Hills (Kalifornje) | |
| stoarn | 27 desimber 2016 | |
| stjerplak | Los Angeles (Kalifornje) | |
| etnisiteit |  Ingelsk  Joadsk .svg){kind=small} Ulstersk
| |
| jierren aktyf | 1969 – 2016 | |
| offisjele webside | ||
| www.carriefisher.com | ||
Carrie Fisher (folút: Carrie Frances Fisher; Beverly Hills, 21 oktober 1956 – Los Angeles, 27 desimber 2016) wie in Amerikaansk aktrise, skriuwster en komediënne fan mingd Ingelsk, Joadsk en Ulstersk etnysk komôf. Se waard yn 'e twadde helte fan 'e 1970-er jierren wrâldfeneamd as prinsesse Leia yn 'e oarspronklike Star Wars-trilogy, in rol dy't har har hiele fierdere libben efterfolge, lang net altyd ta har eigen fernoegen. Njonken har aktearkarriêre wie Fisher ek aktyf as skriuwster fan in stikmannich semy-autobiografyske romans, in pear toanielstikken, ferskate senario's en twa autobiografyen. Hja wraksele mei manysk-depressiviteit en in ferslaving oan medisinen en drugs, en wûn op lettere leeftyd rûnom respekt troch dêr iepentlik oer te fertellen. Ein 2016 kaam Fisher mei sechstich jier te ferstjerren oan 'e gefolgen fan in hertoanfal.