Back زوجات وندسور المرحات (مسرحية) Arabic Les alegres comares de Windsor Catalan Veselé paničky windsorské Czech Die lustigen Weiber von Windsor (Schauspiel) German Οι εύθυμες Κυράδες του Ουίνδσορ Greek The Merry Wives of Windsor English La gajaj edzinoj de Windsor Esperanto Las alegres comadres de Windsor Spanish Windsori lõbusad naised Estonian همسران خوش ویندزور Persian
| De Fleurige Wyfkes | ||
| ||
| algemiene gegevens | ||
| oarspr. titel | The Merry Wives of Windsor | |
| auteur | William Shakespeare | |
| taal | Ingelsk | |
| foarm | toanielstik | |
| sjenre | komeedzje | |
| skreaun | ±1597 | |
| 1e publikaasje | 1602, Londen | |
| oersetting nei it Frysk | ||
| Fryske titel | De Fleurige Wyfkes | |
| publikaasje | 1962, Drachten | |
| útjouwer | Fryske Shakespeare Stifting | |
| oersetter | Douwe Kalma | |
De Fleurige Wyfkes, yn it oarspronklike Ingelsk: The Merry Wives of Windsor, is in toanielstik fan 'e hân fan 'e wiidferneamde Ingelske skriuwer en dichter William Shakespeare. It is in komeedzje dy't ferhellet hoe't de fette, korrupte âld ridder John Falstaff (dy't earder in rol spile yn Shakespeare syn keningsstikken Hindrik IV, Diel 1 en Diel 2) twa rike troude froulju it hof makket mei as doel om oan jild te kommen. Hoewol't it stik yn namme ûnder it regear fan Hindrik IV (1399-1413) spilet, wurdt dêr mar ien kear nei ferwiisd en ymplisearret it fierders gewoan de Elizabetaanske Tiid (±1600). It "Windsor" út 'e Ingelske titel ferwiist nei Windsor Castle, yn it greefskip Berkshire. De Fleurige Wyfkes waard foar it earst publisearre yn 1602; it is net wis wannear't it stik skreaun is, mar de measte saakkundigen hâlde it op 1597. It stik is ferskate kearen adaptearre ta in opera. De Fryske oersetting fan Douwe Kalma ferskynde yn 1962.