Floor Jansen

Floor Jansen
sjonger en/of muzikant
Floor Jansen (2013)
persoanlike bysûnderheden
echte namme	Floor Jansen
nasjonaliteit	Nederlânsk
berne	21 febrewaris 1981
berteplak	Goirle
wurkpaad
sjenre	Metal
sjongtaal	Ingelsk
grutste hit(s)	Élan
jierren aktyf	1995-no

Floor Jansen (Goirle, 21 febrewaris 1981) is in Nederlânske sjongeres. Jansen song al fan 1995 ôf yn ferskate bandsjes ear't se fan 1997 oant begjin 2009 de sjongeres fan de Nederlânske metalband After Forever waard. Nei't dy band der mei ophâld, rjochte se de band ReVamp op. De band ReVamp gie mei pauze nei't Jansen oerwurke thús kaam te sitten. Jansen wie noch mar krapoan wersteld doe't se yn 2012 skille waard troch Nightwish of se by har ynfalle woe om't se harren sjongeres Anette Olzon ûntslein hiene, sa't se it toernee al ôf meitsje koene. Fan 2013 ôf makke Floor offisjeel diel út fan Nightwish, dat betsjutte ek it ein fan ReVamp. Yn 2019 hie Jansen yn Nederlân in hit mei Henk Poort as gefolch fan har dielname oan it telefyzjeprogramma "Beste Zangers". Fierders wie Jansen yn 2010 en 2013 te sjen yn it programma "De tiende van Tijl".

Floor Jansen is troud mei de Sweedske drummer Hannes Van Dahl. Tegearre ha se in dochter.