Frouljusboarst

In frouljusboarst, ornaris gewoan boarst neamd, is in lichemsdiel dêr't eltse (sûne) frou twa fan hat: har boarsten, dy't as funksje hawwe om troch molkklieren tatemolke ôf te skieden dy't as boarstfieding tsjinje kin foar in poppe. Boarsten binne in sekundêr geslachtskenmerk fan de frou, mar hawwe ek seksuele funksjes. It Latynske wurd foar boarst is mamma (meartal: mammae, de wittenskiplike namme foar de klasse sûchdieren is dan ek Mammalia), dizze term wurdt no noch brûkt yn de medyske wrâld.