Haadside

De Kanadeeske lynks (wittenskiplike namme: Lynx canadensis) is in sûchdier út it skift fan 'e rôfdieren (Carnivora), de famylje fan 'e kateftigen (Felidae) en it skaai fan 'e lynksen (Lynx). Dit bist is lânseigen yn it grutste part fan Kanada en fan 'e Amerikaanske steat Alaska, wylst it ek foarkomt yn 'e Rocky Mountains en de krite direkt bewesten de Grutte Marren yn 'e legere 48 steaten fan 'e Feriene Steaten. De Kanadeeske lynks is in middelgrutte karnivoar, dy't benammen de Amerikaanske hazze (Lepus americanus) bejaget. Hy falt op troch syn bûtenproporsjoneel grutte, swier behierre poaten, de "bakkeburden" oan wjerskanten fan it kin en de toefkes op 'e punten fan 'e earen. De Kanadeeske lynks is nau besibbe oan 'e Jeraziatyske lynks (Lynx lynx), en moat net betize wurde mei in oar lid fan it lynkseskaai dat yn Noard-Amearika foar in diel yn itselde gebiet foarkomt, de reade lynks of bobcat (Lynx rufus).

Lês fierder

• 1825 - Yn Fryslân brekke by in fleanende stoarm de diken troch, yn Noard-Nederlân falle goed 800 slachtoffers.
• 1919 - Berne: Abe Gerlsma, Frysk keunstskilder.
• 1925 - Benito Mussolini kundiget oan dat er diktator oer Itaalje wurdt.
• 1925 - Ferstoarn: Jaap Eden, Nederlânske reedrider en hurdfytser.
• 1954 - Jeen van den Berg fan Nij Beets wint de 10e alvestêdetocht, yn in tiid fan 7.35 oere.
• 1958 - Untstean fan de Benelúks. It ferdrach tusken Belgje, Nederlân en Lúksemboarch waard tekene yn De Haach.
• 1966 - De Luna 9 lannet as earste romteskip op de Moanne.