Hadewych (skriuwster)

Hadewych (skriuwster)
skriuwer
persoanlike bysûnderheden
oar pseudonym	Hadewych fan Antwerpen
echte namme	Hadewych
nasjonaliteit	Brabânsk
berne	13e iuw
berteplak	Antwerpen? (Brabân)
stoarn	13e of 14e iuw
stjerplak	? (Brabân)
etnisiteit	Flaamsk
wurk
taal	Midnederlânsk
sjenre	poëzij, non-fiksje (religiosa)
perioade	Midsiuwen
bekendste   wurk(en)	Strofische Gedichten
jierren aktyf	13?? – 13?? / 14??
offisjele webside
n.f.t.

Hadewych wie in trettjinde-iuwske mystika, dy't beskôge wurdt as de grutste Midsiuwske Nederlânsktalige dichteresse en skriuwster.

Hadewych wie in foarrinster fan Jan fan Ruusbroec en wurdt faak "Hadewych fan Antwerpen" neamd, al is dat in lettere en mooglik misliedende tafoeging. Der is eins net in protte mei wissichheid oer har te sizzen, al kin út har geskriften opmakke wurde dat se fan begoedige, mooglik aadlik, komôf wie, faak ferhúzje moast (wat har alhiel net noaske) en wierskynlik as begyn libbe. Wol is dúdlik dat se njonken har memmetaal ek it Frânsk en it Latyn goed yn 'e macht hie. Har wurk is skreaun yn it Brabânske dialekt fan it Midnederlânsk en der wurdt wol tocht dat se hikke en tein wie yn Antwerpen (stêd)Antwerpen en dat se neitiid yn Groenendaal, ûnder Brussel wenne, mar dat is mar rieden. Sels it jier fan har berte en ferstjerren binne ûnbekend; har skriuwwurk is troch de moderne taalwittenskip om 1240 hinne datearre.