Harrison Ford

Harrison Ford
akteur
Harrison Ford yn 2007.
persoanlike bysûnderheden
echte namme	Harrison Ford
nasjonaliteit	Amerikaansk
berne	13 july 1942
berteplak	Chicago (Illinois)
etnisiteit	Dútsk Iersk Joadsk
jierren aktyf	1966 – no
prizen	Saturn Award 1982, 2016 Cecil B. DeMille Award 2002 César d'Honneur 2010
offisjele webside
Harrison Ford op Twitter

Harrison Ford (Chicago, 13 july 1942), is in Amerikaansk akteur en filmprodusint fan mingd Iersk, Dútsk en Wytrussysk-Joadsk komôf. Hy wie oarspronklik timmerman fan berop, mar briek yn 1977 troch mei de rol fan Han Solo yn 'e Star Wars-film Star Wars: Episode IV – A New Hope. Neitiid fertolke er deselde rol op 'e nij yn 'e oare beide films út 'e oarspronklike Star Wars-trilogy, en ek wied er yn 'e titelrol te sjen yn 'e Indiana Jones-filmsearje. Oare ferneamde films dêr't Ford yn spile, wiene Blade Runner, Witness, The Fugitive, Clear and Present Danger, Sabrina, Air Force One, Random Hearts, K-19: The Widowmaker, Cowboys & Aliens en 42. Neffens The Top 100 Movie Stars of All Time, in ranglist dy't gearstald waard yn 2008, hiene Ford syn films yn 'e Feriene Steaten allinne al $3,5 miljard opbrocht, wat fan him de op twa nei bêst ferkeapjende Amerikaanske filmstjer fan alle tiden makket.