Back Thomas Lord Cromwell English トマス・ロード・クロムウェル Japanese Томас Лорд Кромвел Macedonian Thomas Lord Cromwell Polish Thomas Lord Cromwell Portuguese Томас, лорд Кромвель Russian
| Hear Thomas Cromwell | ||
| ||
| algemiene gegevens | ||
| oarspr. titel | Lord Thomas Cromwell | |
| auteur | taskreaun oan ferskate auteurs (û.o. William Shakespeare) | |
| taal | Ingelsk | |
| foarm | toanielstik | |
| sjenre | trageedzje | |
| skreaun | 1582-1600 | |
| 1e publikaasje | 1602, Londen | |
Hear Thomas Cromwell, yn it Ingelsk: Thomas Lord Cromwell (eins folút: The True Chronicle History of the Whole Life and Death of Thomas Lord Cromwell, "De Wiere Kronykskiednis fan it Hiele Libben en de Dea fan Hear Thomas Cromwell"), is in toanielstik fan ûnbekend auteurskip út 'e Elizabetaanske Tiid, oer Thomas Cromwell, greve fan Esseks, de kânselier fan 'e Ingelske kening Hindrik VIII.
It stik bestiet fierhinne út polityk kommentaar of, as men it fan in oare kant besjocht, anglikaanske religieuze propaganda. It is ûndúdlik wannear't Hear Thomas Cromwell krekt skreaun is; guon saakkundigen wolle it sa ier datearje as 1582-1583, wylst oaren miene dat it yn 1599-1600 skreaun wêze moat. Yn elts gefal waard it registrearre yn it Stationers' Register, de gesachhawwende útjouwerskatalogus fan dy tiid, yn 1602, en letter datselde jiers foar it earst publisearre troch de boekferkeaper William Cotton.