Back Himmelfahrt des Jesaja German Ascension of Isaiah English Ascensión de Isaías Spanish Jesajan taivaaseenastuminen Finnish Ascension d'Isaïe French עליית ישעיהו HE Ézsaiás mennybemenetele Hungarian Kenaikan Yesaya ID Ascensione di Isaia Italian Ascensio Isaiae Latin
| Himelfeart fan Jesaja | ||
| algemiene gegevens | ||
| oarspr. titel | Τὸ Αναβατικὸν Ἡσαΐου ("To Anabatikon Isaiou") | |
| auteur | anonimus | |
| taal | Aldgryksk | |
| foarm | non-fiksje | |
| sjenre | religiosa | |
| skreaun | ein 1e iuw – 2e helte 2e iuw | |
De Himelfeart fan Jesaja is in religieus geskrift, besibbe oan it Alde Testamint fan 'e Bibel, dat no algemien as apokryf beskôge wurdt, al makket it al sûnt minskewitten diel út fan 'e Etiopysk-otterdokse tradysje, en besteane der oanwizings dat it oarspronklik ta de kanon fan 'e Etiopysk-Otterdokse Tsjerke rekkene waard. De tekst is in pseudepigraaf ûnder de namme fan 'e âldtestamintyske profeet Jesaja. Der bestiet ûnder bibelwittenskippers en teologen ûnienichheid oangeande de datearring: rûzings dêrfan rinne útinoar fan 'e ein fan 'e earste iuw oant de twadde helte fan 'e twadde iuw. Ek is men der noch net oer út oft it no in folslein kristlik geskrift is, of dat it earste diel, it Martelderskip fan Jesaja, in fan oarsprong joadske tekst is dy't letter in kristlike redigearring ûndergien hat. De earste teory hat mear oanhingers.