Idaho

Steat Idaho State of Idaho
flagge	wapen
Esto Perpetua (Latyn, "Dat It Foar Ivich de Tiid Trochstean Mei")
lokaasje yn de Feriene Steaten
algemien
ôfkoarting	ID
lân	Feriene Steaten
status (jier)	steat (1890)
haadstêd	Boise
grutste stêd	Boise
offisjele taal	Ingelsk
sifers
ynwennertal	1.634.464 (2014)
befolkingstichtens	7,4 / km²
oerflak	216.632 km² (0,98% wetter)
bykommende ynformaasje
bynamme	de Gem State
tiidsône	UTC –7 (diels –8)
simmertiid	UTC –6 (diels –7)
webside	www.idaho.gov

Dizze side giet oer de Amerikaanske steat Idaho. Foar oare betsjuttings, sjoch: Idaho (betsjuttingsside).

Idaho (Ingelsk: Idaho; útspr.: ['aidəhoʊ], likernôch "aidehoo"), offisjeel de Steat Idaho (Ingelsk: State of Idaho), is ien fan 'e fyftich steaten dy't mei-inoar de Feriene Steaten fan Amearika foarmje. Idaho, byneamd de Gem State (de "Ealstiennesteat"), leit yn it noarden fan it lân, tsjin 'e Kanadeeske grins oan, en heart ta de regio fan it Amerikaanske Noardwesten. De haadstêd is Boise, en dat is mei-iens ek de grutste stêd. Neffens in skatting út 2014 hie de steat doe goed 1,6 miljoen ynwenners, wêrmei't it kwa befolkingsgrutte de 44e steat fan 'e Feriene Steaten is. Oangeande oerflak is Idaho mei krapoan 217.000 km² de 39e steat. Idaho is in lanlike gebiet, dat benammen bekendstiet om syn natoerskientme.