John Campbell, 9e hartoch fan Argyll

John Campbell, 9e hartoch fan Argyll
aadlik persoan en/of hearsker
echte namme	John George Edward Henry    Douglas Sutherland Campbell
nasjonaliteit	Britsk
bertedatum	6 augustus 1845
berteplak	Londen (Ingelân)
stjerdatum	2 maaie 1914
stjerplak	Cowes (Ingelân)
etnisiteit	Skotsk Ingelsk
gûverneur-generaal fan Kanada
amtsperioade	1878 – 1883
foargonger	markys fan Dufferin
opfolger	markys fan Lansdowne
hartoch fan Argyll en haadman fan de Clan Campbell
amtsperioade	1900 – 1914
foargonger	George Campbell
opfolger	Niall Campbell

John Campbell, 9e hartoch fan Argyll (folút: John George Edward Henry Douglas Sutherland Campbell; Londen, 6 augustus 1845 – Cowes (Ingelân), 2 maaie 1914) wie in Britsk ealman en politikus fan mingd Skotsk-Ingelsk etnysk komôf, dy't ta de adel fan Skotlân hearde. Hy is it bekendst wurden om't er fan 1878 oant 1883 de fjirde Britske gûverneur-generaal fan Kanada wie. Mei't er doe noch net de aadlike titel hartoch fan Argyll fan syn heit urven hie, waard er ûnder syn amtsperioade yn 'e regel oantsjut as de markys fan Lorne, of ek wol Lord Lorne. Syn oantins stiet no fral yn it teken fan 'e plaknammen dêr't er de Kanadeeske geografy mei ferrike ta eare fan syn frou Louise, in dochter fan keninginne Fiktoaria.