Back نيوتن نايت Arabic Newton Knight German Newton Knight English Newton Knight Spanish نیوتون نایت Persian Newton Knight French Newton Knight Italian ニュートン・ナイト Japanese 뉴턴 나이트 Korean Newton Knight Portuguese
| Newton Knight | ||
| ||
| persoanlike bysûnderheden | ||
| echte namme | Newton Knight | |
| nasjonaliteit |  Amerikaansk
| |
| berne | 10 novimber 1829 | |
| berteplak | Jones County (Mississippy) | |
| stoarn | 16 febrewaris 1922 | |
| stjerplak | Jasper County (Mississippy) | |
| etnisiteit | Angelsaksysk Amerikaansk
| |
| wurkpaad | ||
| berop/amt | boer | |
| aktyf as | opstannelingelieder tsjin 'e Konfederaasje | |
| jierren aktyf | 1863 – 1865 | |
| offisjele webside | ||
| newtknightsfreestate.com | ||
Newton Knight (Jones County (Mississippy), 10 novimber 1829 – Jasper County (Mississippy), 16 febrewaris 1922) wie in Amerikaansk boer, soldaat en Súdlik unionist, dy't ûnder de Amerikaanske Boargeroarloch yn it súdeasten fan 'e steat Mississippy in opstân begûn tsjin 'e Konfederearre Steaten fan Amearika. Hy en syn oanhingers soene yn 1864 ferskate countys ferovere hawwe en dêr de Frijsteat Jones útroppen hawwe, hoewol't dat troch party histoarisy ûntstriden wurdt.
Nei ôfrin fan 'e boargeroarloch joech Knight him by de Republikeinske Partij, troude mei in eardere negerslavinne en tsjinne yn it Tiidrek fan 'e Weropbou as plakferfangend U.S. marshal. Knight is yn Mississippy oant hjoed de dei ta in tige kontroversjeel figuer, waans motiven en dieden de befolking ferdiele. Guon sjogge him as in held, wylst er foar oaren in ferdjerlike smjunt wie. Benammen syn opfettings oer en dieden oangeande rasiale gelikensens wiene har tiid mear as 150 jier foarút. Der binne twa films oer Knight makke: Tap Roots, út 1948, en Free State of Jones, út 2016.