Back Germanische Ursprache ALS اللغة الجرمانية البدائية Arabic Idioma protoxermánicu AST Proto-German dili Azerbaijani Прагерманская мова Byelorussian Протогермански език Bulgarian Kentgermaneg Breton Protogermànic Catalan Pragermánština Czech Urgermansk Danish
| Proto-Germaansk | ||
| algemien | ||
| oare namme(n) | Oergermaansk (foutyf) | |
| taalgebiet | Noardwest- en Midden-Jeropa en Skandinaavje | |
| taalbesibskip | ||
| taalfamylje | ● Yndo-Jeropeesk ● Germaansk ● Proto-Germaansk | |
| skaaimerken | ||
| tiidrek | 2de milennium f.Kr.-1e iuw (n.Kr.) | |
| ûntstien út | Proto-Yndo-Jeropeesk | |
| ûntjûn ta | ● Eastgermaansk ● Oernoardsk ● Westgermaansk | |
It Proto-Germaansk is de taal dêr't alle Germaanske talen (en útslutend de Germaanske talen) op weromgeane. Der binne gjin skriftlike boarnen oerlevere fan dizze oarspronklike Germaanske taal, mar op grûn fan yndirekt bewiismateriaal (d.w.s. troch de hjoeddeistige Germaanske talen en Germaanske lienwurden yn net-Germaanske talen lykas it Finsk mei-inoar te ferlykjen) hawwe taalkundigen it Proto-Germaansk dochs rekonstruëarje kinnen. Neffens moderne ynsichten kin dizze Germaanske grûntaal opdield wurde yn twa stadia: it Oergermaansk, dat yn in langere iere perioade sprutsen waard, en it Miengermaansk, dat sprutsen waard yn in koarter letter tiidrek, foar't it Proto-Germaansk útinoarfoel yn 'e ôfsûnderlike taalkloften. Faak wurdt der lykwols, fral yn stikken dy't skreaun binne troch net-saakkundigen, terminologysk gjin ûnderskie makke tusken Proto-, Oer- en Miengermaansk, en wurdt inkeld sprutsen fan Oergermaansk.