Slach by Little Muddy Creek

Slach by Little Muddy Creek (ûnderdiel fan 'e Grutte Sû-Oarloch fan 1876) datum: 7 maaie 1877 plak: oan 'e Little Muddy Creek, yn súdlik Montana útkomst: Amerikaanske oerwinning konfliktpartijen Minnikonzjû-Lakota Noardlike Sjajinnen Feriene Steaten befelhawwers Kreupel Hart † Nelson A. Miles sterkte ±200 (ynkl. froulju en bern) 476 ferliezen 5-14 deaden ±20 ferwûnen ±40 kriichsfinzenen   4 deaden 10 ferwûnen kaart Lokaasje fan 'e Slach by Little Muddy Creek yn 'e Amerikaanske steat Montana.

De Slach by Little Muddy Creek wie in skermutseling oan 'e igge fan 'e Little Muddy Creek, yn súdlik Montana, dy't op 7 maaie 1877 útfochten waard troch it Amerikaanske Leger mei in troep Minnikonzjû-Lakota en Noardlike Sjajinnen. Dit treffen, dat de lêste wapene konfrontaasje fan 'e Grutte Sû-Oarloch wie, einige mei in Amerikaanske oerwinning. De Slach by Little Muddy Creek is benammen bekend wurden om it Minnikonzjû-opperhaad Kreupel Hart (Lame Deer) der omkaam, nei wa't letter it deunby leine plak Lame Deer ferneamd is.