Back World of the Five Gods English El mundo de los cinco dioses Spanish Cycle de Chalion French Świat pięciu bogów Polish 五神傳說 Chinese
| The World of the Five Gods | ||
| algemiene gegevens | ||
| auteur | Lois McMaster Bujold | |
| taal | Ingelsk | |
| foarm | romansearje | |
| sjenre | fantasy | |
| oarspr. útjwr. | Eos | |
| prizen | Mythopoeic Award 2002 Hugo Award 2003, 2018 Locus Award 2004 Nebula Award 2004 nom. World Fantasy Award 2002 nom. Hugo Award 2002 nom. Locus Award 2006 nom. Mythopoeic Award 2006 | |
The World of the Five Gods, earder faak de Chalion-syklus neamd, is in fantasy-romansearje fan 'e hân fan 'e súksesfolle en mannichfâld bekroande Amerikaanske skriuwster Lois McMaster Bujold. De romans, dy't yn in mienskiplike optochte wrâld spylje, mar allegearre los faninoar lêzen wurde kinne, foarmje in miks fan spanning, romantyk, komeedzje en tragyk. De searje tanket syn namme oan it keninkryk Chalion, dêr't de earste beide boeken spylje. De boeken út The World of the Five Gods hawwe in grut tal prizen yn 'e wacht sleept, mei dêrûnder in Hugo, in Nebula en in Locus Award, en yn 2018 wûn The World of the Five Gods de Hugo Award foar bêste romansearje. De boeken út 'e searje binne oerset yn teminsten fjirtjin talen; yn 2014 kaam ien út yn it Frysk.