Variety (tydskrift)

Variety
algemiene ynformaasje
nasjonaliteit	Amerikaansk
taal	Ingelsk
sjenre	entertainment-, muzyk-, fakblêd
frekwinsje	1x yn 'e wike
bestean	1905 – no
oprjochter	Sime Silverman
plak haadred.	Los Angeles (Kalifornje)
útjouwer	Variety Media, LLC
oplaach	40.000 (2013)
ISSN	0042-2738
offisjele webside
variety.com

Variety is in Amerikaansk tydskrift op it mêd fan 'e entertainment- en muzykyndustry, dat foar dy beide sektoaren ek as fakblêd fungearret. It waard yn 1905 yn New York oprjochte troch Sime Silverman as in krante oer teäter en vaudeville dy't ienris yn 'e wike ferskynde. Yn 1933 kaam der in twadde publikaasje by, de Daily Variety, dy't útjûn waard yn Los Angeles en de filmyndustry fan Hollywood beskreau. De oarspronklike Variety oer it teäter waard neitiid de Weekly Variety neamd. Yn 2013 hold de Daily Variety op, wêrnei't de Weekly Variety wer gewoan Variety kaam te hjitten. Dat blêd folget sûnt net inkeld ûntwikkelings yn 'e teäters fan Broadway, mar ek yn 'e filmyndustry fan Hollywood en yn 'e Amerikaanske muzyksektor. De haadredaksje is tsjintwurdich fêstige yn Los Angeles. Variety ferskynt no ien kear yn 'e wike en hat in oplaach fan 40.000 eksimplaren. It wurdt útjûn troch Variety Media, LLC, in ûnderdiel fan 'e Penske Media Corporation (PMC).