Kurt Cobain

Kurt Cobain

Beathaisnéis
Breith	20 Feabhra 1967 Aberdeen, Washington
Bás	c. 5 Aibreán 1994 27 bliana d'aois Seattle, Washington
Siocair bháis	Féinmharú (Tráma balaistíoch)
Faisnéis phearsanta
Ainm cleite	Kurdt Kobain
Reiligiún	Agnóiseachas
Scoil a d'fhreastail sé/sí	Ardscoil Aberdeen
Teanga dhúchais	Béarla
Lámhcheannas	Ciotógacht
Dath súile	Gorm
Dathán gruaige	Gruaig fhionn
Gníomhaíocht
Réimse oibre	Ceol, ceol malartach, grúinse, amhránaíocht, taibhiú giotáir, cumadóireacht, rac malartach agus cumadóireacht
Gairm	giotáraí, aisteoir teilifíse, aisteoir scannáin, scríbhneoir scripte scannáin, cumadóir, cumadóir amhrán, amharcealaíontóir, amhránaí, stiúrthóir scannán
Tréimhse oibre	1982 –  1994
Ball de	Nirvana (1987–1994) Fecal Matter
Seánra	Grúinse agus rac malartach
Teangacha	Béarla
Cineál gutha	Teanóir
Uirlis	Giotár agus ceol gutha
Saothar
Saothar suntasach (1991) Smells Like Teen Spirit (1991) Nevermind
Teaghlach
Céile	Courtney Love (1992–1994), bás an duine
Páiste	Frances Bean Cobain
Athair	Donald Leland Cobain  agus Wendy Elizabeth Fradenburg
Síniú

Cumadóir agus ceoltóir Meiriceánach a bhí i Kurt Donald Cobain (20 Feabhra 1967 - timpeall 5 Aibreán 1994), agus é ina príomhamhránaí agus giotáraí leis an racbhanna Nirvana. Nuair a thosaigh an grúpa ag baint an-cháil amach ag tús na 1990idí, b'é Cobain a bhí sa spotsolas mar chumadóir agus ceannaire an bhanna. Mar thoradh, féachtar air mar laoch mór do ghlúin óg nua, glúin a bhí tuirseach leis an saghas rac-cheoil éadomhain a bhí gnáthúil ag an am. Leis an albam Nevermind, bhris grúinse amach as Seattle, agus hathraíodh domhain an rac-cheoil go tobann. Sa lá atá inniu, labhraítear fós faoin tionscal ceoil "réamh-Nirvana" agus "iar-Nirvana".

Sna laethanta seo, bhí Nirvana ar an ngrúpa ba mhó ar domhan, agus ba cheart do Chobain a bheith sách sásta leis féin. Os a choinne sin, caitheadh isteach sa phríomhshruth go tobann é leis a cháil nua, agus ní raibh sé ar a chompord leis riamh.

Fear umhal agus ciúin a bhí ann, ach bhí an-bhrú curtha air thar oíche le clú nach raibh á lorg aige riamh. Thosaigh daoine sna meáin ag tabhairt "urlabhraí na glúine" air, ach dhiúltaigh Cobain an smaoineamh seo go borb. Bhí trom-imní air chomh maith i gcónaí, mar cheap sé go raibh sé ag brath na n-idéalaí punc-rac a bhí aige agus a ghrúpa, nuair a thosaigh siad ag fás agus ag éirí ró-rathúil. Agus ó thaobh a shaol pearsanta de, bhíodh sé i gcónaí ag streachailt le fadhbanna éagsúla, gruaim agus mí-úsáid drugaí na cinn ba mheasa dóibh.