Aeroporto de Toronto-Pearson

Aeroporto de Toronto-Pearson Toronto Pearson International Airport Aéroport international Pearson de Toronto
IATA: YYZ – ICAO: CYYZ
Sumario
Tipo		público
Propietario		Transport Canada
Operador		Greater Toronto Airports Authority
Cidade/Illa		Toronto
Elevación (msnm)		173 metros / 569 pés
Coordenadas
Web		https://www.torontopearson.com/
Pista(s)
Dirección	Longo		Superficie
	metros	pés
05/23	3 389	11 120	asfalto/formigón
06L/24R	2 956	9 697	asfalto
06R/24L	2 743	9 000	asfalto
15L/33R	3 368	11 050	asfalto
15R/33L	2 770	9 088	asfalto
Estatísticas (2016)
Pasaxeiros			44 335 198

O aeroporto internacional de Toronto Pearson (IATA: YYZ, ICAO: CYYZ), chamado oficialmente aeroporto internacional Lester B. Pearson, é un aeroporto que serve á cidade canadense de Toronto, en Ontario, ademais de servir tamén á súa área metropolitana e á Golden Horseshoe, unha aglomeración urbana de 9,2 millóns de persoas.^[1] O aeroporto atópase a 22,5 km ao noroeste do centro de Toronto, estando case todas as súas instalacións na cidade adxacente de Mississauga, estendéndose unha pequena parte cara Etobicoke, o distrito máis occidental de Toronto.^[2] O aeroporto foi bautizado na honra do nativo de Toronto Lester Bowles Pearson, Premio Nobel da Paz e 14º Primeiro Ministro do Canadá.

O aeroporto de Pearson é o máis grande e concorrido do Canadá. No ano 2016 pasaron polas súas instalacións 44 335 198 pasaxeiros en 456 536 operacións,^[3] facéndoo o 32º aeroporto máis concorrido do mundo en tráfico de pasaxeiros, o 22º en pasaxeiros internacionais e o 15º en número de operacións. Pearson é tamén o segundo aeroporto con máis pasaxeiros internacionais de toda Norteamérica, despois do Aeroporto Internacional John F. Kennedy de Nova York.^[4]

Pearson é o principal centro de conexións para Air Canada.^[5][6] Tamén é un centro de conexións para a aeroliña de pasaxeiros WestJet e a de carga FedEx Express, e serve como base operativa para Air Transat e Sunwing Airlines. O aeroporto Pearson está operado pola Greater Toronto Airports Authority (GTAA) que forma parte do Sistema Nacional de Transportes do Canadá.

Varias aeroliñas operan unha extensa rede de voos domésticos sen escalas dende Pearson cara todas as principais cidades de todas as provincias do Canadá.^[7] No ano 2017 operaban en Pearson máis de 75 aeroliñas, cuns 1 100 saídas diarias a máis de 180 destinos de todos os continentes.

1. ↑ Statistics Canada (ed.). "2006 Census". Arquivado dende o orixinal o 25 de setembro de 2019. Consultado o 12 de outubro de 2017. 
2. ↑ Greater Toronto Airports Authority (ed.). "Chapter 14: Land Use" (PDF). Arquivado dende o orixinal (PDF) o 12 de setembro de 2017. Consultado o 12 de outubro de 2017. 
3. ↑ Greater Toronto Airports Authority (ed.). "Toronto Pearson Traffic Summary" (PDF). Arquivado dende o orixinal (PDF) o 04 de marzo de 2017. Consultado o 12 de outubro de 2017. 
4. ↑ Airports Council International (ed.). "International Passenger Rankings". Arquivado dende o orixinal o 28 de maio de 2016. Consultado o 12 de outubro de 2017. 
5. ↑ Air Canada (ed.). "Corporate Profile". Consultado o 12 de outubro de 2017. 
6. ↑ Air Canada (ed.). "2013 Annual Information Form" (PDF). Arquivado dende o orixinal (PDF) o 12 de setembro de 2017. Consultado o 12 de outubro de 2017. 
7. ↑ Toronto Pearson Airport (ed.). "Airlines and Destinations". Arquivado dende o orixinal o 13 de outubro de 2017. Consultado o 12 de outubro de 2017.