Aethina tumida

Aethina tumida
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Infraorde: Cucujiformia Superfamilia: Cucujoidea Familia: Nitidulidae Xénero: Aethina Especie: Aethina tumida Murray, 1867

Aethina tumida é un escaravello da familia Nitulidae que é unha praga para a apicultura.^[1] É endémico da África subsahariana, pero espallouse a outros continentes, chegando a América do Norte, Australia, e as Filipinas.

Pode ser unha praga moi destrutiva para as colonias de abellas do mel, causando danos nos panais e no mel e pole almacenados. Se a infestación por este escaravello é forte dabondo, pode causar que as abellas abandonen a colmea. A súa presenza pode ser tamén un marcador na diagnose do chamado trastorno de colapso da colonia das abellas do mel. Tamén pode ser unha praga para os panais almacenados e as abellas que están nos panais esperando ser extraídas. As larvas do escaravello poden facer túneles a través dos panais, alimentándose e defecando, provocando decoloración e fermentación do mel.

1. ↑ Hood, Michael (2004). "The small hive beetle, Aethina tumida: a review" (PDF). Bee World 85 (3): 51–59. doi:10.1080/0005772X.2004.11099624. Arquivado dende o orixinal (PDF) o 20 de maio de 2014.